14.12.2017 Guolástandikšunmáksu lasihuvvui

Riikkabeaivvit dohkkehedje evttohusa lasihit guolástandikšunmávssu. Riikkabeaivvit leat dohkkehan ráđđehusa evttohusa, man mielde guolástandikšunmáksu lasihuvvo boahtte jagi álggus.
Riikkabeaivvit dohkkehedje evttohusa dievasčoahkkimisttis bearjadaga juovlamánu 8. beaivve. Evttohusa mielde jagi 2018 álggus guolástandikšunmávssus leat ođđa hattit. Olles kaleandarjagi guolástandikšunmáksu loktana 45 evroi, čieža jándora máksá 15 evrro ja ovtta jándora máksu guhtta evrro. Lassin bušeahta válmmaštallamii vuolggasadjin váldojuvvo dat, mat ollu leat vuovdán guolástandikšunmávssuid. Lága fápmuiboahtin eaktuda vel, ahte dásseválddi presideanta nanne dan.
Ráđđehusa evttohusa vuođđun ledje guolástusdikšunmávssut, maid ledje earret eará máksán unnit go lei árvvoštallojuvvon, nu ahte árvvoštallama mielde dat ledje báhcán sullii guokte miljovnna evrro unnibun go mii árvvoštallojuvvui guolástanlága ođastusa oktavuođas.
Guolástandikšunmávssut bohtet vuovdin ládje Meahcceráđđehusa neahttagávpái ja maid R-kioskkaide lagamus áiggis, de go láhka lea nannejuvvon. Suomas guolástandikšunmáksu galgá máksojuvvot, jus guolásteaddji lea gaskkal 18–64 jagi ja son bivdá muđui go oaggumiin, jieŋa nalde oaggumiin dehe sallitvuokkain.