Revontuli-Opisto (Guovssahas-Instituhtta) hástá buot gurssalaččaid govvet gilvvu lágideami bokte. Facebook bokte lágiduvvon gilvui sáhttá searvat nu ahte govvedat gurssas mas leat mielde, dehe govvet vaikkoba eatnamiid maid oainnát birrasat go doamat gursii. Govva sáhttá nappo leat measta vaikko man birra ja mii beare, almma makkárge ráddjehusaid. Lobi galggat goittotge muitit jearrat, jus govas oidnojit eará gursalaččat.  
Govva sáddejuvvo maŋimustá njukčamánu 31. beaivvi rádjái šleađgaboasttain čujuhussii outi.keskitalo@kittila.fi. Gova mielde galgá čállojuvvot govvejeaddji namma. Sáhttá maid ovttain dehe mottiin cealkagiin muitalit mii govas dáhpáhuvvá ja gos dat lea váldon. Govat almmustahttojuvvojit Revontuli-Opisto facebook-siidduin, gos buot doppe gallejeaddjit sáhttet doaibmat duopmárin. Eanemus jienaid ožžon govva vuoitá gilvvu. Instituhtta bálkkaša golbma gova masa olbmot eanemusat liikojedje.