17.08.2017 Peerai balsašaldi

Suoma vuosttaš balsašaldi huksejuvvo Vt 21:ii Peera balssa buohta.
Prošeaktajođiheaddji Keijo Heikkilä Johtolatlágádusas muitala, ahte dán luottas leat njeallje divvunbáikki, main Iittus, Viššagis (Sáreguoikkas) ja Bovssujávrris leat juo divvon luotta.
– Peera balssaid buohta lea duollu. Doppe lea 4 mehter asu jiekŋa ja garra vuođđu lea guhkkin máŋggaid mehteriid duohken čiekŋalasas. Mássa ii sáhte lonuhit johtolaga geažil, Heikkilä dadjá.
Prošeaktajođiheaddjji mielas šaldi huksen lea jierpmálaš molssaeaktu.
– Báikkit guorahallojuvvojedje, ja Peera šaldi plánenbargu álggahuvvui 2016. Peera balssat lea teknihkalaččat váttes báiki, ja iešguđetlágan variašuvnnaid leat šaddan smiehttat. Dohko huksejit gaskaboddosaš garvingeainnu ja šaldi huksen álgá golggot-skábmamánus. Huksenbarggut bargojuvvojit lohppii dálvet, muhto luottaid asvalterejit de geasset, Heikkilä muitala.