10.08.2017 Sámekultuvrra speallandemo barggu vuolde

Sámi Arkiiva lea álgá sámekultuvrii ja historjái vuođđuduvvan speallanprošeavtta ovttas jyväskyläläš speallanfitnodat Zaibatsuin.
Sámi Arkiiva lea ožžon Sámedikkis 10 000 evrro doarjaga speallandemo várás. Sámediggi oažžu vuoigatvuođa juohkit gárvves speallandemo nuvttá sámegielat ja sámegiela oahpahusa fálli skuvllaide. Demo galgá gárvanit čavčča 2017 áigge.
Ulbmilin lea gárvet Suoma vuosttaš sámi girječálli Lemehaš-Biehtár, Pedar Jalvvi ja ovtta su divtta birra oahppanspeallandemo. Demo ulbmil lea doarjut sámegiela ja kultuvrra oahppama ja muitalit sámi kultuvrras ja historjjás Pedar Jalvvi bokte.
Speallanprošeakta doarju Riikkaarkiiva ja dasa gullevaš Sámi Arkiivva arkiivapedogalaš bargguid ulbmiliid. Speallanprošeavtta duogážis lea posterčájáhus, mii lei ovttasbargu gaskkal Sámimusea Siidda, Ohcejoga gieldda ja Sámi allaskuvlla jagi 2016. Dalle Pedar Jalvvi jápmimis lei gollan 100 jagi. Čájáhus jođii viidát Suomas ja Norggas.