Sámi kulturguovddáš Sajosis Anáris dollet guovvamánu 4. Beaivvi Sámit girkus-seminára- Seminára lágida Oulu bismagoddi ovttasbargguin Anára searvegottiin, Sámedikkiin, Sámi sosteriin, Girkoráđđehusain ja Giellagas-instituhtain. Seminára rahpá Oulu bismagotti Bisma Samuel Salmi ja loahpahansániid cealká Earkebisma Kari Mäkinen. Seminára ulbmil lea gieđahallat Suoma evangelalaš-luteralaš girku ja sámiid gaskavuođa historjjá áigge, ja maid geahčadit otná beaivvi dáhpáhusaid ja hábmet geahčastaga boahtteáigái. Seminára sáhkavuorut  gieđahallet sámekultuvrra ja girku gaskavuođa iešguđet geahččanguovllus. Oktan gažaldahkan, muhto maid illun badjána sámegiella. Seminára maŋŋel joatkit vuoiŋŋalaš sámemusihkkakonsearttain. Konsearttas leat Wimme, Anna Näkkäläjärvi-Länsman, Giellavealggut, Rauni Mannermaa ja Tiina Sanila-Aikio. Sotnabeaivve guovvamánu 5. beaivve  dollet Anára sámegirkus Bismmameassu. Meassus Bisma  Samuel Salmi veahkkin leat leanaroavas Jouko Lepistö, sámebargočálli Erva Niittyvuopio, sámebáhppa Tuomo Huusko ja kántorin Jari Linjama. Lassidieđuid semináras oaččut Erva Niittyvuopios e-boasttain erva.niittyvuopio@evl.fi ja telefovnnain  040 769 0044 dehe Niilo Pesoses e-boasttain niilo.pesonen@evl.fi ja telefovnnain 044 755 5556.