Eanodaga gielda ja girdifitnodat Flybe Oy leat soahpan, ahte boahtte giđa maid beassá girdit. Vuosttaš girdin girdojuvvo sotnabeaivve guovvamánu 19. beaivve ja nuppe háve juo duorastaga. Guovtte geardde vahkus girdet unnimusat 23 ruoktot ovdan girdima, goas maŋimuš háve girdet miessemánu vuosttaš sotnabeaivve, Nu, ja dánge dáhpáhusas gánnáha leat eret Eanodagas, dannego gielda lea čatnasan oastit 300 ruoktot ovdan bileahta maid várás lea várren 75 000 evrro. Šiehtadusa mielde bileahtat leat oaivvilduvvon gieldda ássiide, saji reserverenortnega mielde, jus girdis lea fal sadji.  Girdijohtolaga olis leat ságastallan maid Guovdageainnu suohkaniin, dannego Eanodat-Guovdageaidnu- Saami Airport –johtolaga ovddidemiin oaivvilduvvo dakkár ovttasbargu. Guovdageainnu sátnejođiheddjiin, ealáhusáššeolbmáin ja ráđđeolbmáin leat  álgoráđđádallamiin soahpan, ahte Guovdageaidnu searvá johtolaga goluide – mearkkašahtti supmiin, ná lea merkejuvvon  gielddaráđđehusa beavdegirjái. Virggálaš mearrádus áššis dahkko ođđajagemánus. Guovdageainnu searvamis ráhkaduvvo sierra gielddaid gaskasaš soahpamuš, mii de unnida Eanodaga gieldda mávssu Flybei.