Paikallisuutiset

Čieža ovdaskuvlaoahppis okta oažžu sámegielat oahpahusa

Duottarlogahahkii álget gávcci oahppi.

Skuvllaid čakčalohkanbadji álggii Eanodagas guokte vahku dás ovdal, gaskavahku.

Vuosttas luohká uvssa rahpet Heahtás njeallje, Gárasavvonis golbma ja Gilbbesjávrris guokte skuvlamáná. Heahtás áibbas vuosttaš geardde skuvlii leat álgime čieža ovdaskuvlamáná, geain okta oažžu oahpahusa sámegillii, ja Gárasavvonis lea okta. Gilbbesjávrris eai leat ovdaskuvlalaččat.

Eanodaga Duottarlogahaga čakča lea álgán oalle buriin ohppiidloguin, go vuosttaš jahkegurssa joavkkus leat mielde gávcci oahppi.

Nuppi jahkegurssa joavkkus vulge eret guokte oahppi, muhto jovkui bođii okta ođđa oahppi. Goalmmát jahkegurssa joavku logahagas ii oba leatge dán lohkanbajis, daningo goalmmát luohkás ii leat oktage oahppi.

Oahpahussii ovtta olles joavkku váilun ii hálddahuslaš rektora Riitta Peltovuoma mielas váikkut, ja oahpahus joatkašuvváge su mielas seamma bures go ovdalnai.