Paikallisuutiset

Marja Näkkälä vuostáiválddii kulturbálkkašumi Márjjábeivviin

Márjjábeivviid lávvordaga sámedikki kulturlávdegoddi geigii kulturbálkkašumi eanodatlaš Marja Näkkäläi. Kulturbálkkašupmi mieđihuvvo almma ohcamuša haga, ja dan ulbmil lea bálkkašit kulturbargi dahje dáiddára dovddastussan mearkkašahtti barggus sámi kultureallima buorrin.

– Eatnistan mun lean ožžon oahpu, dat lea varraárbi, Marja Näkkälä muitala.

Son joatká muitalit, ahte lea álgán árrat duddjot, ja go son gávccijahkásažžan álggii skuvlii, de sus lei juo jahki leamaš áigi áibbas ráfis bargat buotlágan bargguid.

– Mun lean gal nu lihkolaš go bessen leat das eatni luht